PMVISHWAKARMA

 

PM VISWAKARMA - KUT THEMTHIAMTE TANA BULṬANNA TUR

Ministry of Micro, Small & Medium Enterprise (MSME)-te chuan kut them thiamna hmanga eizawnna bul tanna tur an chhawp chhuah sak a. A hnuai ami ang hi a kal dan tur phung chu a ni:

1. Kum 18 an tling tur a ni. Chhungtinah pakhat chauh ziah luh theih niin chhungkuaah sawrkar hnathawk nghet an awm tur a ni lo.

2. PMEGP, PM SVANidhi, MUDRA scheme atanga Loan la ten an dil thei lova. Loan an lo la anih pawhin an pek tlak hman chuan an dil ve thei ang.

Hamṭhatna turte:

1. Nuaih 1 thleng Loan an la thei ang a. Hei hi 18 Months chhungin an pe tla thei ang.

2. Hemi Nuaih 1 Loan hi an la a, an pek tlak theih chuan Nuaih 2 thleng Loan an puk leh thei ang a. Hei hi 30 Months chhungin an pe tla thei thung ang.

2. 3 Level Screening an paltlang anih chuan Basic Training (15-20 Days) an nei ang a. Training an kal anih chuan ₹ 500/Day in incentive an dawng thei ang. An Bank Account-ah dah luh a ni ang.

3. Hmanrua (Tool Kit) lei emaw upgrade nan ₹ 15000 an dawng thei bawk ang.

4. MSME lamin Certificate leh ID an pe ang a. An zawrh chhuahna tur lamah pawh nasa takin an pui tel nghal dawn bawk a ni.

Thil pawimawh hmasate:

1. In-register tur chuan a Aadhaar leh Mobile Phone thlunzawm tur. (La thlunzawm lo in awm chuan tunah tihnghal kha a ṭha ang. In inthlunzawm tir khan a inthlunzawm nghal mai lote a awm a, kar hnih khat nghah ngaite a awm a ni.)

2. Bank Account nei lo, in-register tum in awm chuan Bank Account hawng rawh u. Aadhaar leh in Account link nghal ula. Dak/MRB-ah.

3. PMVishwakarma in-register tur hian a diltu tur kal a ngai. A intihsak theih loh.