PAN CARD SERVICE KA TIHTHEIHTE
1. A thar siam
2. Correction
Document ngaite:
1. Aadhaar Card
2. Voter's Id
3. Passport Size Photo- 1
4. Signature
Online-a dilna:
Aadhaar Card leh Mobile No in-link kher a ngai lo.
PAN CARD PAWIMAWHNATE
Permanent Account Number (PAN) Card hi India rama kan la awm chhûng chuan a pawimawhna a nasa tulh tulh dâwn niin a lang. A hming ang hian validity a nei lova, renew pawh a ngai lo.
Nikum January thla atang khan ngei ngei turin, compulsory a lo ni ta a ni. Amaherawhchu, hmun kilkhawr leh technology la san lohna hmun kan nih avangin kan zawm nghal thut thut thei lova, tun hi kan thleng ta a ni.
PAN Card chu Income Tax Department-in a buaipui leh a pêk a ni. A pawimawhna tlêm ka han tarlang ang e:
1. Heng bank hrang hrang public/private/co-operative leh bank dangah hian account thar hawng tûr tân hmun thenkhatah chuan an demand tawh.
2. Credit or Debit card dilna atân PAN card neih ngei ngei a ngai. I neih loh chuan dil buai duh suh, i dilna kha enga mah hmain hnâwl a ni ang.
3. Life insurance pawimawhna kan hre thum tawh ngei ang. CBDT (Central Board of Direct Taxes) thuchhuah angin ₹ 50,000/- aia Insurance premium a tam chuan PAN card neih ngei ngei a ngai.
4. ₹ 5,00,000 aia to lirthei lei leh hralh dawnin a ngai.
5. Immovable asset (khawih chêt theih loh thil hlu) lei leh hralh dâwnin a ngai a, nei lo tân lei leh hralh awih a ni lo. Lei leh hralh tûr kha intâwm (joint) a nih pawhin a intâwmtute khän PAN card an neih theuh a ngai.
6. ₹ 5,00,000 aia tam lunghlû leh tlereuh (jewellery) lei tûr tân a ngai.
7. ₹ 50,000 aia tam fixed deposit leh cash deposit ti tûr tân a ngai bawk a. PAN card neih loh chuan deposit atang TDS (Tax Deduction at Source) 20% cut emaw, a pungin ₹ 10,000/- emaw a tlin chuan a tam zâwk zâwk atanga 10% a tam cut tûr a ni.
8. Terrorism vênna leh khuahkhirhna atân India sawrkar chuan telephone connection thar (normal or cellular connection) atân PAN card neih a ngai a ti tawh.
9. Mahniin Stock Market / Money Market lama investment ti tûr emaw broker kaltlanga ti tûr tân emaw pawh PAN card neih ngei ngei a ngai.
10. Mimal, Firm, Society, Trust etc ten Tax Return an file dâwnin PAN Card neih ngei ngei a ngai.
11. NRI in PAN card a neih chuan awlsam takin India ramah thil lei leh hralh bâkah business awlsam takin a ti thei.
12. Airport, Hotel, Government Premises tec ah identity proof ah a tangkai hlê bawk.
13. Private registered company-a thawk tân PAN card a ngai, nei lo tân hlawh a lâk theih loh.
Sawi tûr a la tam mai, Mizote tân bîk inhriattir ngai tak a ni. Vai ram dawr lian thenkhatah pawh transaction lian deuhah chuan PAN card a ngai zêl tawh mai. PAN Card tibo te chuan a hlui kha reprint a dil theih a, PAN number kha i hman tawh chuan chu chu duhthusam a ni. I la hman loh chuan a thar dil mai pawh a theih tho.
Tags
PAN Card